कैलाली ४ पौष । एक युवकको शव घाँटी रेटी हत्या गरेको अवस्थामा फेला परेको छ ।
जिल्लाको जानकी गाउँपालिका वडा नम्बर ९ का २५ वर्षीय अरुण दासको घाँटी काटेको अवस्थामा शव फेला परेको जिल्ला प्रहरी कार्यालय कैलालीले जनाएको छ ।
विहानै साथीसंग जान्छु भनेर निस्केका दासका शव वडा नम्बर ९ कै अमरावती सामुदायिक वनमा घाँटी रेटेर टाउको छुट्टीएको अवस्थामा फेला परेको प्रहरीले जनाएको छ ।
प्रहरीको प्रारम्भिक अनुशन्धान अनुसार दासलाई रुखमा बाँधेर नग्न बनाएर घाँटी रेटर हत्या गरेको हुन सक्ने जनाएको छ ।
घटना स्थलमा तालिम प्राप्त कुुकरसहित जिल्ला प्रहरी कार्यालय कैलाली र सुदूरपश्चिम प्रदेश प्रहरीको टोली परिचालित भएको छ ।