काठमाडौं १२ वैशाख । मेयरको टिकट पाउने आशमा नेकपा एमाले प्रवेश गरेका जानकीराम साहले पार्टी परित्याग गरेका छन्।
६ दिन अघि मात्र नेकपा एमालेमा प्रवेश गरेका जानकीराम साहले जनकपुरधाम उपमहानगरको मेयर टिकट पाउने आशमा पार्टी प्रवेश गरेका थिए ।
तर, एमालेले जनकपुरको मेयरमा शिवशंकर साह हिरालाई उम्मेदवार बनाएपछि साहले सोमबार पार्टी परित्याग गरेको घोषणा गरेका हुन् ।
आज दिउँसो पार्टी परित्याग गरेका साहले स्वतन्त्र उम्मेदवारी दिने तयारीमा लागेका छन् ।
तथापी, उनलाई मेयरको लागि नवगठित तराई मधेस लोकतान्त्रिक पार्टीबाट समेत टिकटको अफर भने आएको थियो ।
