घाटा बिर्सिएर सरकार फेरी चार वटा चिनियाँ जहाज खरिद गर्दै


काठमाडौः राष्ट्रिय ध्वजाबाहक नेपाल वायुसेवा निगमका लागि सरकारले थप जहाज खरिद गर्ने भएको छ। सञ्चालनमा रहेका चिनियाँ जहाजका कारण करोडौं घाटा व्यहोरिरहेको सरकारले पुनः जहाज थप्ने भएको हो ।

जहाज थप्ने योजना अनुसार सरकारले चार चिनियाँ जहाज खरिदको प्रस्तावलाई अगाडि बढाएको  छ।

चिनियाँ जहाजबाट ठूलो नोक्सानी ब्यहोरे पनि सरकारले पुनः ४ वटा चिनियाँ जहाज खरिदको प्रस्तावलाई अघि बढाएको हो ।

संस्कृति, पर्यटन तथा नागरिक उडयनमन्त्री जीवनबहादुर शाहीले निगम नेपाल नागरिक उड्डयन प्राधिकरणलाई खरिदको प्रक्रियामा रहेका ४ वटा जहाज ल्याउने विषयमा छलफल गरी निर्णय गर्न निर्देशन दिएका छन् ।

मन्त्रालयले यसअघि जहाज खरिद प्रक्रियाको निर्णय गर्न मन्त्रिपरिषदमा प्रस्ताव पठाएको थियो ।

Comment