नागरिकको हत्या गर्ने साउदी राजकुमारलाई मृत्युदण्ड

Posted By OS Nepal || Date: 19 October, 2016

hangingएजेन्सीः साउदी अरबको प्रशासनले त्यहाँका राजकुमार तुर्की बिन साउद अल काबिरलाई मृत्युदण्ड दिएको छ । विवादका क्रममा एक नागरिकको हत्या गरेको अभियोगमा राजकुमारलाई मृत्युदण्डको सजाय दिइएको हो ।

तीन वर्ष अघि विवादका क्रममा एक नागरिकको गोली हानी हत्या गरेको घटनामा दोषी ठहर गर्दै त्यहाँको एक उच्च अदालतले राजकुमार अल काबिरलाई मृत्युदण्डको फैसला सुनाएको थियो । सोही फैसला अनुसार उनलाई मृत्युदण्ड दिइएको गल्फ न्युजले जनाएको छ ।

राजकुमार काबिरलाई फाँसी दिइएको त्यहाँको गृहमन्त्रालयले समेत पुष्टि गरेको छ । राजकुमारलाई अरबको राजधानी रियाद भन्दा बाहिरको एक गोप्य स्थानमा फाँसी दिइएको समाचारमा उल्लेख छ ।

राजकुमार कबिरले साउदीकै एक नागरिक आदेल बिन सुलेमान बिन अब्दुल करिम अल मुहैमिदको गोली हानेर हत्या गरेको प्रमाणित फाँसी दिइएको त्यहाँको गृहमन्त्रालयले पुष्टि गरेको हो ।

.

Loading...

Comment Here!

भिडियो हेर्न यहाँ क्लिक गर्नुहोला!