१८ वर्षीया युवती मध्यरातमा सडकमै मृत भेटिइन्

Posted By OS Nepal || Date: 19 October, 2016

काठमाडौँः नारायणगढ–मुग्लिन सडकखण्डमा एक युवती मृत भेटिएकी छिन् । नारायणगढ मुग्लिन सडकखण्डको चण्डीभञ्ज्याङ–६ कालीखोलामा मध्यरातमा एक युवती मृत अवस्थामा भेटिएकी हुन् ।

युवती सडकमै मृत अवस्थामा भेटिएपछि प्रहरीले सवारी साधनले ठक्कर दिँदा युवतीको मृत्यु भएको अनुमान गरेको छ । यद्यपी युवतीको पहिचान समेत खुल्न सकेको छैन् ।

युवती मध्यरातको १ बजे कसरी सडकमा मृत भेटिइन भन्ने विषयमा प्रहरीले अनुसन्धान गरिराखेको छ । मृत शव हेर्दा सवारी साधनले ठक्कर दिएको जस्तो देखिएकाले ठक्कर दिने सवारी साधानको खोजी भइरखेको प्रहरीले बताएको छ ।

प्रहरीका अनुसार बुधबार बिहान सवा १ बजे अज्ञात सवारी साधनले ठक्कर दिँदा युवतीको मृत्यु भएको हो ।

अन्दाजी १८ वर्षीया ती युवतीको पहिचान खुल्न नसकेको र सवारीसाधनको खोजी भइरहेको प्रहरीको भनाइ छ ।

.

Loading...

Comment Here!

भिडियो हेर्न यहाँ क्लिक गर्नुहोला!