धार्मिक विविधतामा नेपाल धनी- राज्यमन्त्री जवेगु

Posted By OS Nepal || Date: 19 October, 2016

झापा, ३ कात्तिक । सङ्घीय मामिला तथा स्थानीय विकास राज्यमन्त्री श्रीप्रसाद जवेगुले नेपाल विभिन्न धर्म तथा समुदायको बसोबास भएकाले सबै धर्म, संस्कृतिको संरक्षण गर्न वर्तमान सरकार क्रियाशील रहेको बताउनुभएको छ । धार्मिक विविधताले विश्वमा नै नेपाल आफैँमा सुन्दर र धनी भएकाले यसको संरक्षणमा सबैले जोड दिनुपर्ने उहाँको भनाइ छ । इलामको चुलाचुलीस्थित हात्तीलेदामा किरात धर्मगुरु देवबहादुर तुम्बापोसँग आज बिहान दर्शन भेटमा सहभागी हुनुहँुदै राज्यमन्त्री जवेगुले किरात धर्म प्राचीन धर्म भएकाले यसको संरक्षण र जगेर्ना गर्न सबै लाग्नुपर्छ भन्नुभयो । किरात धर्म विशिष्ट भएकाले पनि यस धर्मका अनुयायी बढ्दो छ, उहाँको भनाइ थियो ।

त्यसक्रममा उहाँलाई धर्मगुरु तुम्बापोले आर्शीवचनसमेत दिनुभएको थियो । धर्मगुरु तुम्बापोले किरात धर्मभित्र सबै समुदायले ग्रहण गरिरहेकाले यसले समाज रुपान्तरणमा सघाउ पु¥याएको चर्चा गर्नुभएको थियो । दमकका विभिन्न कार्यक्रममा सहभागी हुन मङ्गलबार आउनुभएका राज्यमन्त्री जवेगु आज बिहान काठमाडाँै फर्किनुभएको छ ।

.

Loading...

Comment Here!

भिडियो हेर्न यहाँ क्लिक गर्नुहोला!