सालकको खपटासहित एक जना पक्राउ

Posted By OS Nepal || Date: 19 October, 2016

बनेपा, ३ कात्तिक । एक किलो ७०० ग्राम सालकको खपटा सहित काभ्रेपलाञ्चोकको पनौतीवाट प्रहरीले एक जनालाई फक्राउ गरेको छ । पक्राउ पर्नेमा काभ्रेपलाञ्चोक च्यासिङखर्क– ३ का २८ वर्षीय सोनामसिंह वाइवा रहेको इलाका वन कार्यालय, जनगालले जनाएको छ । बेच्नका लागि ल्याएको उक्त परिमाणको सालकको खपटासहित आइतवार केन्द्रीय प्रहरी अनुसन्धान ब्यूरोले उनलाई पनौतीवाट पक्राउ गरिएको हो ।

इलाका वन कार्यालय, जनगालका रेञ्जर शङ्कर झाका अनुसार च्यासिङखर्क– ९ मदनवासबाट सो सालकको खपटा ल्याएको अनुसन्धानवाट खुलेको छ । अन्तर्राष्ट्रिय बजारमा स्तनधारी दुर्लभ सालकको खपटा र छालाको मूल्य प्रतिकिलोग्राम रु एक लाख ५० हजारदेखि रु तीन लाखसम्म रहेको जनाएको छ । पक्राउ परेका वाइवामाथि राष्ट्रिय निकुञ्ज तथा वन्यजन्तु संरक्षण ऐनअन्तर्गत मुद्दा चलाइने रेञ्जर झाले बताउनुभयो । रासस

.

Loading...

Comment Here!

भिडियो हेर्न यहाँ क्लिक गर्नुहोला!