महोत्तरीमा प्रथम मिनी म्याराथन सम्पन्न

Posted By OS Nepal || Date: 29 November, 2016

गौशाला, १४ मङ्सिर । ‘महोत्तरी जिल्लालाई खुल्ला दिसामुक्त बनाऔँ’ नाराका साथ सदरमुकाम जलेश्वरमा सोमबार प्रथम मिनी म्याराथन सम्पन्न भएको छ । प्रथम मिनी म्याराथन दौड प्रतियोगिता महोत्तरी जलेश्वर २०७३ आयोजक समितिको आयोजनामा सम्पन्न सो म्याराथनमा १६ वर्ष माथिका जम्मा ८०७ जना पुरुष र महिलाले सहभागिता जनाएको संयोजक रामआधार कापरले बताउनुभयो ।running

सो म्याराथनका सहभागीले जिल्ला सदरमुकाम जलेश्वरमा अवस्थित प्रसिद्ध बाबा जलेश्वरनाथ मन्दिर अगाडिबाट म्याराथन सुरु गरी जिल्लाको मटिहानी गाविसस्थित प्रसिद्ध लक्ष्मीनारायण मठ पुगी त्यहाँबाट फर्केर जलेश्वर दुर्गाचोकमा आएर म्याराथन सम्पन्न गरेका थिए ।

जिल्लामै पहिलोपटक सम्पन्न भएको यस म्याराथनमा सहभागीले जम्मा १४ किलोमिटरको दूरी पार गरेका थिए । सम्पन्न म्याराथनमा पुरुषतर्फ जिल्लाको जलेश्वर नगरपालिका–१६ प्रकौली बस्ने विजय यादव प्रथम, मटिहानी गाविस बस्ने शङ्कर मण्डल द्वितीय र जलेश्वर नपा–७ बजराही बस्ने मुवारक अन्सारी तृतीय भएका थिए ।

त्यस्तै, महिलातर्फ जलेश्वर–५ बस्ने काजल साह प्रथम, जलेश्वर–१० बस्ने प्रमिला मुखिया द्वितीय र जलेश्वर–५ बस्ने निसा साह तृतीय भएका थिए । सम्पन्न म्याराथनमा विजयी सबैलाई कप पुरस्कार दिइएको थियो । रासस

.

Loading...

Comment Here!

भिडियो हेर्न यहाँ क्लिक गर्नुहोला!