नर्वेमा पनि नयाँ शक्ति गठन , जीत यात्रीको नेतृत्व

Posted By OS Nepal || Date: 30 November, 2016

 imageओएस नेपाल , जापान , एच.बी ताम्राकार (हर्क बहादुर) 

मंसिर १५ । युरोपको नर्वेमा पनि नयाँ शक्ति निकट अन्तर्राष्ट्रिय नेपाली समाजको गठन भएको छ । मंगलबार ओस्लोमा आयोजित एक भेलाले जित यात्री गुरुङको नेतृत्वमा अन्तराष्ट्रिय नेपाली समाज(INS) को गठन गरिएको हो ।

समाजको सह-संयोजकमा हरि पाठक रहेका छन् भने प्रवक्ताको जिम्मेवारी बिनोद कार्कीले पाएका छन् । समाजको सदस्यहरुमा विद्या लम्साल, हितमान बुढाथोकी मगर, पूर्ण बिके, रामचन्द्र खनाल, डिबी थापा, प्रदीप रिजाल, हरिकृष्ण देवकोटा लगायत रहेको ओस्लोबाट नयाँ शक्तिका प्रवास प्रादेशिक परिषद सहसंयोजक शंकर भण्डारीले जानकारी दिए ।image

भेलामा प्रवासी नेपालीहरुले नेपालको विकास र समृद्धिमा खेल्न सक्ने भूमिका, नयाँ शक्तिको राष्ट्रिय अन्तर्राष्ट्रिय गतिविधि लगायतका बारेमा छलफल भएको भण्डारीले जानकारी दिए । भेलाको उद्घाटन गर्दै नयाँ शक्ति प्रवास प्रादेशिक परिषदका संयोजक नवराज सुवेदीले भारत र चीनको विकासमा त्यहाँका गैरआवासीय नागरिकले पुर्‍याएको भूमिकाको चर्चा गर्नुहुँदै समृद्ध नेपालको निर्माण गर्न प्रवासी नेपालीले उल्लेख्य भूमिका निर्वाह गर्न सक्ने बताए ।

पार्टीको संगठन बिस्तारका लागि युरोप भ्रमणमा रहेका भण्डारीका अनुसार डिसेम्बर ३ मा फिनल्याण्डमा अन्तरक्रिया तथा भेलाको आयोजना गरिएको छ ।

.

Loading...

Comment Here!

भिडियो हेर्न यहाँ क्लिक गर्नुहोला!