यी हुन् अब टुक्राटुक्रा हुने जिल्ला

Posted By OS Nepal || Date: 30 November, 2016

काठमाडौंः मंगलबार साँझ व्यवस्थापिका संसदमा संविधान संशोधन विधेयक पारित भए सँगै प्रदेश नम्बर ४ र प्रदेश नम्बर ५ का केही जिल्ला टुक्राटुक्रा हुने भएका छन् । नेपालको संविधान संशोधन गर्न बनेको विधेयकमा उल्ल्ेख भए अनुसार प्रदेश नम्बर ४ का १७ र प्रदेश नम्बर ५ का ६ जिल्ला टुक्राटुक्रा हुने निश्चित देखिएको छ ।

प्रदेश नम्बर ४
गोरखा,

लमजुङ,

तनहुँ,

कास्की,

मनाङ,

मुस्ताङ,

पर्वत,

स्याङजा,

म्याग्दी,

बाग्लुङ,

पाल्पा,

गुल्मी,

अर्घाखाँची,

नवलपरासी,

रोल्पा,

प्युठान,

रुकुमसहितका १७ जिल्ला रहेका छन् ।

त्यसैगरी प्रदेश नम्बर ५ का नवलपरासी, रुपन्देही, कपिलवस्तु, दाङ, बाँके, बर्दिया टुक्रा हुने देखिएको छ ।

संघीयतामा लामो समयदेखिको विवाद मिलाउन मन्त्रिपरिषद् बैठकले विभिन्न २३ जिल्ला टुक्राएर संविधान संशोधन विधेयक संसदमा दर्ता गरेको हो ।

विभिन्न जिल्ला टुक्राएर समस्या समाधान गर्ने योजनासहित सरकारले मंगलबार साँझ सीमांकन हेरफेरसहित संविधान संशोधन विधेयक व्यवस्थापिका संसदमा दर्ता गरेको हो ।

नेकपा (माओवादी केन्द्र)का अध्यक्ष पुष्पकमल दाहाल प्रचण्ड नेतृत्वको सरकारले प्रमुख विपक्षी नेकपा एमालेको विरोधकै बीचमा मंगलबार साँझ संशोधन प्रस्ताव दर्ता गरेको छ ।

वलुवाटारमा बसेको मन्त्रिपरिषद्को बैठकले संशोधन प्रस्ताव दर्ता गर्ने निर्णय गरेको केही बेरमै व्यवस्थापिका संसदमा प्रस्ताव दर्ता भएको हो । मन्त्रिपरिषद् बैठकले प्रदेश नम्बर ४ र ५ नम्बरको सीमांकन हेरफेरसहित संशोधन प्रस्ताव पास गरेको थियो ।

सरकारले संसदमा दर्ता गरेको संशोधन प्रस्तावमा प्रदेश नम्बर ५ मा रहेका पहाडी जिल्लाहरु पाल्पा, अर्घाखाँची, गुल्मी, प्युठान, रोल्पा र आधा रुकुमलाई प्रदेश नम्बर ४ मा गाभ्ने उल्लेख गरिएको छ । प्रस्तावमा यस बाहेक नागरिकता र राष्ट्रिय सभा गठनको विषयलाई समेटिएको छ ।

यो प्रस्तावले आन्दोलनरत मधेसी मोर्चाको माग सम्बोधन भए पनि प्रमुख प्रतिपक्षी दल एमाले विरोधमा छ । एमाले विरोधमा जाने वित्तिकै पुन राजनीतिक अस्थिरता बढ्ने अनुमान लगाइएको छ ।

.

Loading...

Comment Here!

भिडियो हेर्न यहाँ क्लिक गर्नुहोला!