साझा यातायातले लामो दूरीका सुविधा सम्पन्न बस ल्याउने


sajha busकाठमाडौंः छोटो समयमा लोकप्रिय बनेको साझा यातायातले पुराना बसलाई विस्थापित गर्ने गरी लामो दुरीका लागि सुविधा सम्पन्न बस सेवा सञ्चालन गर्ने भएको छ ।

राजधानीका विभिन्न रुटमा बस सेवा विस्तार गरेसँगै साझाले अब राजधानी बाहिरका लामो दुरीमा बस सञ्चालन गर्न लागेको हो । साझा यातायातका अनुसार अब लामो दुरीका लागि १० बटा सुविधा सम्पन्न बस ल्याउने तयारी सुरु भएको छ ।

साझा बसको सेवा विस्तारले यात्रुलाई सहज हुँदै गएको भन्दै बस खरिद गर्नका लागि काठमाडौं महानगरपालिकाले साझा यातायातको थप ५ करोड रुपैयाँको सेयर लिनेभएपछि यस्तो निर्णय सार्वजनिक भएको हो ।

महानगरपालिकाका कार्यकारी प्रमुख रुद्रसिंह तामाङले थप ५ करोड रुपैयाँ साझालाई बस खरिदका लागि उपलब्ध गराउने सार्वजनिक गरिसकेका छन् ।

साझा यातायातले दसैं अघि मात्र लामो दुरीमा विरगंज, गोरखा, लुम्विनी र बाग्लुङ्गसम्म बस सञ्चालनमा ल्याएको थियो । विशेष गरेर राजधानीबाट सुरु भएको साझा यातायातको सुविधालाई देशव्यापी बनाउने योजना रहेको बताइएको छ । राजधानी बाहिर समेत साझा बस लोकप्रिय बन्दै गएको छ । त्यसैलाई मध्यनजर गर्दै सुविधा बढाउने योजनामा साझा सहकारी रहेको छ ।

अहिले राजधानी र बाहिर गरेर साझाले ३८ वटा बस सञ्चालनमा ल्याएको छ । जसमध्ये अपाङ्गतामैत्री ३० बटा बस सञ्चालनमा छन्। अहिले उपत्यका भित्र मात्र २८ वटा साझाका बस सञ्चालनमा छन् भने उपत्यका बाहिर आठवटा मात्र रहेका छन् ।

Comment