पार्टीलाई एकढिक्का बनाउनु पर्छ: कोषाध्यक्ष यादव

Posted By OS Nepal || Date: 30 November, 2016

पाँचथर, १५ मङ्सिर । नेपाली काँग्रेसकी कोषाध्यक्ष तथा शान्ति तथा पुनःनिर्माण मन्त्री सीतादेवी यादवले पार्टी गुट उपगुटमा फसेको भन्दै पार्टीलाई शीर्षस्थ नेतृत्वले एक ढिक्का बनाएर लैजानुपर्ने बताउनुभएको छ । पाँचथरको फिदिममा मङ्गलबार बिहान पार्टी कार्यकर्तासँग भेटघाट कार्यक्रममा उहाँले भन्नुभयो, “तेह्राँै अधिवेशन एकताको महाधिवेशन भनिए पनि त्यो हुननसकेको भन्दै उहाँले पार्टीलाई एक बनाएर लैजान शीर्षस्थ नेतृत्व जिम्मेवार बन्नुपर्ने हुन्छ।”sitadevi yadav

महाधिवेशन भएको लामो समय बितिसक्दा पनि पदाधिकारी चयन गर्न ढिलाई गर्नु दुःखद भएको उहाँले बताउनुभयो । यस्तै, रकम अभावले द्वन्द्व पीडितलाई राहत दिन नसकेको बताउँदै आफूले प्रधानमन्त्री तथा अर्थ मन्त्रालयमा यथेष्ट बजेट विनियोजन गर्न माग गरेको जानकारी गराउनुभयो ।

सोही कार्यक्रममा नेपाली काँग्रेसका केन्द्रीय सदस्य तथा उद्योग वाणिज्य हकहित सम्बद्ध संसदीय सभापति भीष्मराज आङदेम्बेले सानातिना कुरामा नअल्झिकन पार्टीको सङ्गठन विस्तार र सुदृढीकरणमा लाग्न सबै कार्यकर्तालाई निर्देशन दिनुभयो ।

.

Loading...

Comment Here!

भिडियो हेर्न यहाँ क्लिक गर्नुहोला!