विधेयक पारित हुन तीन साता लाग्ने

Posted By OS Nepal || Date: 1 December, 2016

काठमाडौं , मंसिर १६- संविधान संशोधन विधेयक संसद्मा दर्ता भएसँगै राजनीतिक ध्रुवीकरण थप बढेको छ । राजनीतिक वृत्तमा मात्र हैन, प्रदेशको सिमाना हेरफेर भएपछि सर्वसाधारणसमेत सडकमा आएका छन् ।

राजनीतिक ध्रुवीकरणबीच प्रस्ताव आएपछि संशोधन प्रक्रिया कसरी अगाडि बढ्छ भन्नेमा प्रश्न उठेको छ । राजनीतिक सहमति भई तत्काल विधेयक पारित गर्न आवश्यक रहेको अवस्थामा भने ढिलोमा पनि तीन सातामा विधेयक पारित हुनसक्ने अवस्था रहन्छ ।

कानुनमन्त्री अजयशङ्कर नायकले सहमतिमै छिटोभन्दा छिटो प्रस्ताव पारित हुने बताए । मन्त्री नायकले भने, ‘हिजो काँग्रेस एमालेको सहमतिमा ल्याइएको प्रस्तावलाई नै अहिले सरकारले ल्याएको हो, सबै पक्षको सहयोगमा पारित हुन्छ ।’

संविधानको धारा २७४ को व्यवस्था अनुसार दर्ता गरेको संशोधन प्रस्ताव परिपक्व हुन पाँच दिन लाग्छ । यस्तै सांसदहरूलाई अध्ययनका लागि समय दिने प्रचलन छ । बढीमा दुई दिनसम्म सांसदहरूलाई अध्ययनका लागि दिइनेछ । परिपक्वको समय पुगेपछि विधेयक संसद्मा पेस हुनेछ ।

संसद्मा पेस भएपछि विधेयक सर्वसाधारणको जानकारीका लागि प्रकाशित हुनेछ । संसद्मा पेस भएको बढीमा ३० दिनभित्र सर्वसाधारणको जानकारीका लागि प्रकाशित गर्नुपर्नेछ । सर्वसाधारणलाई जानकारी दिनुपर्ने संवैधानिक व्यवस्था अनुसार विधेयक सार्वजनिक रूपमा प्रकाशित गर्नुपर्नेछ । आजको गोरखापत्र दैनिकमा खबर छ ।

.

Loading...

Comment Here!

भिडियो हेर्न यहाँ क्लिक गर्नुहोला!