एचआइभी सङ्क्रमित श्रेष्ठ पुनः सगरमाथा आरोहण प्रयासमा

Posted By OS Nepal || Date: 1 December, 2016

काठमाडाँै, १६ मङ्सिर । विश्वको सर्वाेच्च शिखर सगरमाथा आरोहणका लागि एचआइभी सङ्क्रमितको तर्फबाट गोपाल श्रेष्ठ पुनः कस्सिनुभएको छ । गत वर्ष पनि सगरमाथा आरोहणको प्रयास गर्नुभएका उहाँले वैशाख १२ गते गएको विनाशकारी भूकम्पले सोलुखुम्बुमा आफ्ना छ जना सहकर्मी गुमाउनाका साथै उहाँ आफै घाइते अवस्थामा काठमाडाँै फर्किनुभएको थियो ।

उननतीसौ औँ विश्व एड्स दिवसका अवसरमा आज यहाँ आयोजित कार्यक्रममा पूर्व ए डिभिजन फुटबलटोलीका खेलाडी श्रेष्ठले भन्नुभयो “एचआइभी सङ्क्रमित हुँदैमा आत्मबल खस्केको हुँदैन भन्ने कुरा विश्वलाई सिकाउनु छ, यही आत्मबलका साथ म पुनःआगामी वर्ष सगरमाथा चुचुरो चुम्न जाँदैछु ।”

पोखराका स्थायी बासिन्दा उहाँले अहिले मलाई माया र सद्भावभन्दा आर्थिक सहयोग चाहिएको छ । यसका लागि म रु २० लाख सङ्कलनको जोहोमा छु भन्नुभयो । सन् २०१७ को सगरमाथा आरोहण गर्ने याममा उहाँले सगरमाथा चढ्ने तयारी गरिरहनुभएको छ ।

पाँच हजार माथिमा विभिन्न हिमाल आरोहण गरेको अनुभव आफूसित रहेको जानकारी दिँदै उहाँले अब एचआइभी सङ्क्रमितप्रति गरिने व्यवहार परिवर्तन नगर्ने प्रवत्ति अन्त्य गरिनु जरुरी छ भन्नुभयो ।

राष्ट्रिय एड्स तथा यौनरोग केन्द्रका अनुसार नेपालमा करिब ३९ हजार ३९७ एचआइभी सङ्क्रमित छन् । तीमध्ये पुरुषको सङ्ख्या २४ हजार ४४९ र महिलाको सङ्ख्या १४ हजार ९४८ छ ।

सन् २०३० सम्ममा एचआइभी/एड्स नियन्त्रण र रोकथाम हुन नसक्ने
नेपालले सन् २०३० सम्ममा एचआइभी/एड्स नियन्त्रण र रोकथाम गर्ने अन्तर्राष्ट्रिय प्रतिबद्धता पूरा गर्न नसक्ने भएको छ । कार्यक्रममा एचआइभी सङ्क्रमित महासङ्घका अध्यक्ष अच्युतकृष्ण सिटौलाले सरकार र दाताले एचआइभी सङ्क्रमितको उपचार तथा रोकथामका लागि लगानी घटाउँदै जाँदा सो लक्ष्य पूरा नहुने बताउनुभयो ।

उहाँले भन्नुभयो “सरकारी आँकडामा ३९ हजार ३९७ एचआइभी सङ्क्रमित भएको अनुमान छ । तीमध्ये करिब २६ हजार मात्र सरकारी सम्पर्कमा छन्, बाकी कहाँ कुन अवस्थामा के गरिरहेका छन् सरकारलाई अत्तोपत्तो छैन, यस्तो अवस्थामा मीठा भाषण र कागजी प्रगति देखाएर मात्र सङ्क्रमण दर कहाँ कम गर्न सकिन्छ र ।”

उहाँका अनुसार अहिले पनि एचआइभी सङ्क्रमितले एन्टिरेक्ट्रो भाइरल (एआरभी) औषधि नपाएर छटपटिरहनु परेको छ । तर केन्द्रले सन् २०१० को तुलनमा १४६ प्रतिशतले सो सेवाको पहुँच विस्तार भएको जनाएको छ । सन् २००७ मा नेपालमा एचआइभी सङ्क्रमितको सङ्ख्या ७० हजार पुगेको थियो भने सन् २००९ मा ६३ हजार ५२८ मा झरेको थियो ।

कार्यक्रममा स्वास्थ्यमन्त्री गगनकुमार थापाले सरकारले एचआइभी/एड्सलाई प्राणघातक रोगबाट दीर्घरोगको रुपमा परिभाषित गरी यसको नियन्त्रण तथा उपचारमा जोड दिएको बताउनुभयो ।

उहाँले स्वास्थ्य नीति र रणनीति दुवैले सबै एचआइभी सङ्क्रमितलाई एआरभी औषधिको सेवा पु¥याउने जाकारी दिँदै वर्षको एक दिन दिवस मनाइ बाँकी दिन सुतेर नबस्न मन्त्रालयका उच्च पदाधिकारीलाई आग्रह समेत गर्नुभयो ।

स्वास्थ्य मन्त्रालयका सचिव डा सेनेन्द्र उप्रेती र केन्द्रका निर्देशक डा तरुण पौडेलले नेपालले सन् २०३० सम्ममा एचआइभी सङ्क्रमण न्यून गर्ने नीतिका साथ आफ्ना कार्यक्रम लक्षित गरेको बताउनुभयो ।

सन् १९८८ मा पहिलो पटक नेपालमा पनि एचआइभी सङ्क्रमित देखा परेको थियो । सोही वर्षदेखि विश्वमा आजको दिनलाई एड्स दिवसका रुपम मनाउन सुरु गरिएको थियो । यस वर्षको ‘नारा हामी सबैको काम, एचआइभीको रोकथाम’ रहेको छ । रासस

.

Loading...

Comment Here!

भिडियो हेर्न यहाँ क्लिक गर्नुहोला!