आगलागी पीडितलाई राहत सामग्री प्रदान

Posted By OS Nepal || Date: 2 December, 2016

खोटाङ, १७ मङ्सिर । आगलागीबाट विस्थापित खोटाङका दुई परिवारलाई खाद्यान्न, त्रिपाल र ओढ्ने ओछ्याउने कपडा प्रदान गरिएको छ । गत मङ्सिर ३ गते केटाकेटीले खेलाउँदा सल्किएको आगोले घर तथा बन्दोबस्तीका सामान जलेपछि बिस्थापित बनेका दक्षिणी गाविस सुन्तले–८ का ललितबहादुर मगर र पदमबहादुर मगरको परिवारलाई ३० केजीको एक/एक प्याक चामल, पाँच/पाँच थान त्रिपाल, चार/चारवटा डसना र पाँच/पाँचवटा ब्ल्याङ्केट प्रदान गरिएको हो ।

आगलागीबाट बिचल्लीमा परेका परिवारलाई काँग्रेस महाधिवेशन प्रतिनिधि भूपेन्द्र राईको नेतृत्वमा काँग्रेस नेता तथा कार्यकर्ताले गाउँमै पुगेर राहत सामग्री हस्तान्तरण गरेको स्थानीय शिक्षक अर्जुन मगरले बताउनुभयो । उनीहरुलाई काँग्रेस नेताको टोलीले थप एक/एक थान सोलार उपलब्ध गराउने प्रतिबद्धता जनाएको छ ।

पदमबहादुरको गोठ नजिकै थुपारिएको परालबाट सुरु भएको आगोले आँगन जोडिएका दुवै घर जलेका थिए । आगलागीमा ललितबहादुरको ४० तोला चाँदी, २५ हजार नगद तथा घरमा भएका सबै सामान जल्दा रु १५ लाख ४८ हजार र पदमबहादुरको नगद रु १० हजार र घरभित्र भएका सबै थोक जल्दा रु ११ लाख ८९ हजार बराबरको क्षति भएको प्रहरीले जनाएको छ । रासस

.

Loading...

Comment Here!

भिडियो हेर्न यहाँ क्लिक गर्नुहोला!