काठमाडौं २४ जेठ । नेकपा एकिकृत समाजवादी पार्टीका अध्यक्ष माधव नेपालले प्रधानमन्त्री शेरबहादुर देउवाले केहि समय मागेका कारण मन्त्री हेरफेरको काम रोकिएको बताएका छन् ।
पार्टीका नेता रामनारायण चौधरीलाई श्रद्धाञ्जली दिन मंगलबार सप्तरी पुगेका अध्यक्ष नेपालले नयाँ मन्त्रीको नाम प्रधानमन्त्री समक्ष पुगिसकेकाले छिट्टै हुन्छ भन्ने आशा आफुले राखेको बताएका छन् ।
पार्टीले गरेको निणर्य प्रधानमन्त्रीले नमान्ने कुरा परिकल्पनाभन्दा बाहिरको कुरा भएको भन्दै नेपालले भने , ‘टिम परिवर्तन गरी नयाँ नाम पठाएपछि प्रधानमन्त्रीले हामीलाई पनि यसो मिलाउनुपर्नेछ त्यसका लागि केही समय दिनुस् भनेर आग्रह गर्नुभएको छ, नमान्ने कुरै छैन । ‘
आइतबार नेकपा एसले , सरकारमा सहभागी सबै मन्त्रीलाई फिर्ता बोलाएर नयाँ मन्त्रीको नाम प्रधानमन्त्रील समक्ष पठाएको थियो ।
