काठमाडौं १० भदौ । नेकपा माओवादी केन्द्रका अध्यक्ष पुष्पकमल दाहाल प्रचण्ड धरानका मेयर हर्क साम्पाङले चलाएको वृक्षारोपण अभियानमा सहभागी हुने भएका छन् ।
शुक्रबार धरान पुगेका अध्यक्ष प्रचण्डले जनवादी गायक जेबी टुहुरेको स्मृतिमा आयोजित कार्यक्रममा सहभागी भएपछि मेयरको साम्पाङको वृक्षारोपण अभियानमा सहभागी हुन लागेका हुन् ।
धरानका उपमेयर आइन्द्रविक्रम बेघाले अध्यक्ष प्रचण्डले सर्दु जलाधार क्षेत्रमा हुन लागेको वृक्षारोपण कार्यक्रममा सहभागी हुन लागेको जानकारी दिएका हुन् ।
केहि दिन अघि काठमाडौं आएका साम्पाङले अध्यक्ष प्रचण्डसँग भेट गरेका थिए ।
