काठमाडौं :
दोस्रो बिहीबार मध्यान्हसम्म ‘झिंगेदाउ’ले देशव्यापी कमाइ २ करोड रुपैयाँ ग्रस छ । बक्स अफिस जडान नभएका हलको हिसाब समेत जोड्दा ‘झिंगेदाउ’को कमाइ २ करोड ३० लाखसम्म हुनसक्ने बताइन्छ । दोस्रो बिहीबार मध्यान्हसम्म पनि मल्टिप्लेक्समा झिंगेदाउको अकुपेन्सी ४० प्रतिशत छ, जुन लोभलाग्दो हो । फिल्म रामे रहेकै कारण फिल्मलाई धेरैले मन पराएका छन् ।
तेस्रो सप्ताहन्तसम्म तीन करोड ग्रस पुग्ने प्रारम्भिक अनुमान छ । फिल्म डेढ करोड रुपैयाँमा निर्माण भएको हो । फिल्ममा आँचल शर्मा केकी अधिकारी मुकुन भुषाल लगायतका कलाकारको अभिनय रहेको छ ।
फिल्मलाई मनोज पण्डितले निर्देशन गरेका छन् । झिगेदाउले विशुद्ध नेपाली मौलिकता र परिवेशलाई आत्मसात गरेको छ । नेपाली घरपरिवारभित्रको कलह र झगडाप्रति नेपाली दर्शकको रुचि देखिएको विश्लेषण गरिएको छ ।
