धरान :
आमा समूहका पदाधिकारीको कुटपिटबाट घाइते भएकी उषा राईको मृत्यु भएको छ । जनजागृत आमा समूहका पदाधिकारीले ४२ वर्षीया राईलाई कुटपिट गरेपछि उनको मृत्यु भएको हो ।
धरानका एक व्यक्तिसँग अवैध सम्बन्ध राखेको भन्दै जनजागृत आमा समूहका पदाधिकारीले कुटपिट गरेपछि म्भीर घाइते बनेकी राईको बीपी कोइराला स्वास्थ्य विज्ञान प्रतिष्ठान धरानमा उपचारका क्रममा निधन भएको हो ।
घटनामा संलग्न भएका ६ जनालाई प्रहरीले पक्राउ गरी अनुसन्धान थालेको छ । अवैध सम्बन्धको आरोप लगाउँदै आमा समूहका पदाधिकारीले गरेको कुटपिटबाट राईको निधन भएको प्रहरीको प्रारम्भिक अनुसन्धानबाट खुलेको हो ।
