ट्रम्पको योजनामा मेक्सिको र अमेरिकाको सीमामा बन्दै छ यस्तो पर्खाल

Posted By OSNepal, California, USA || Date: 1 September, 2017

एजेन्सी : अमेरिकी निर्वाचनको प्रचारप्रसार सुरु हुँदै ट्रम्पले आफू राष्ट्रपति भए मेक्सिको र अमेरिकाको सीमानामा पर्खाल लगाउने घोषणा गरेका थिए । राष्ट्रपति भएपछि त्यसलाई कार्यान्वयन गर्न ट्रम्प सक्रिय भएका छन् ।

ट्रम्प प्रशासनले राष्ट्रपतिले ठूलो प्रचार प्रसार गरेको मेक्सिकोसँगको सीमामा लगाउने भनेको सीमा पर्खालका लागि कंक्रिटको नमूना बनाउन चार कम्पनी चुनिसकेको छ ।

मेक्सिको पर्खाल राष्ट्रपति ट्रम्पले दिएका पाँच कार्यकारी निर्देशनमध्ये एक हो जसले दुवै मुलुकमा विरोध निम्त्याएको छ।

अमेरिकी सीमा गस्तीका प्रमुख तथा डेपुटी कमिशनर रोनाल्डो भिटीएलोले प्रेस सम्मेलनमा भने अनुसार अलाबामा, एरिजोना, टेक्सस र मिसिसिपिका कम्पनीहरुसँग सम्झौता गरिएको छ।

चार कम्पनीहरु हरेकलाई पाँचलाख डलरसम्म तिरेर तीस फुट लामो कंक्रिटको नमूना सीमा पर्खाल बनाइने भएको छ। चुनावी प्रचार प्रसारका बेला ट्रम्पले पर्खाल अमेरिकाले बनाउने र पैसा मेक्सिकोलाई तिराउने भनेका थिए।

नमूना पर्खाल स्यानडियागो क्यालिफोर्नियामा बनाइने भएको बिबिसीले जनाएको छ।

.

संबन्धित
भिडियो हेर्न यहाँ क्लिक गर्नुहोला!