विपद्मा परेकालाई सहयोग गर्न ‘धर्मभकारी’मा अन्न संकलन

Posted By OSNepal, California, USA || Date: 19 November, 2017

पर्वत, २ मंसिरः गाउँमा कसैको घर पहिराले पु¥यो, कसैको घर आगोले जल्यो वा सुत्केरी व्यथा लागेकालाई आर्थिक अभावमा अस्पताल पु¥याउन सकिएन भने फलेवास नगरपालिका–३ शंकरपोखरी र आसपासका सर्वसाधारण स्थानीय सत्संग समाजले सञ्चालनमा ल्याएको धर्मभकारीमा पुग्छन् ।

स्थानीय होमप्रसाद भुषालको अगुवाइमा २०६५ सालमा स्थापना भएको सत्संग समाजले धर्मभकारी सञ्चालनमा ल्याएको छ । भकारी स्थापना भएदेखि नै शंकरपोखरी र आसपासका बासिन्दाले हरेक बाली पाकेपछि आफ्नो क्षमता अनुसारको अन्न यहाँ ल्याएर जम्मा गर्छन् । जम्मा गरेको अन्न गाउँमा जोसुकैलाई विपत् परेका बेला दामासाहिले बाँडिन्छ । अन्न मात्रै होइन यहाँ पुग्ने जोसुकैले पनि आफ्नो गच्छेअनुसारको रकम समेत दान गरेर फर्किने गरेका छन् ।

अहिले सो ‘धर्मभकारी’ मा हरेक वर्ष १५ देखि २० मुरी अन्न जम्मा हुन्छ । त्यस्तै समितिको खातामा अहिलेसम्म करिब रु तीन लाख ५० हजार जम्मा भइसकेको छ ।

यसैबीच बालाचतर्दुशीको अवसरमा शुक्रवार दशमुरी धान र चामल संकलन भएको मन्दिर व्यवस्थापन समितिका अध्यक्ष टोपप्र्रसाद भुसालले जानकारी दिनुभयो । त्यस्तै स्थानीय टंक गौतमले सत्तल निर्माणका लागि रु ५० हजार र नारायण पौडेलले रु १० हजार हस्तान्तरण गर्नुभएको छ ।

भुषालको अगुवाइमा शुरु भएको सो ‘धर्मभकारी’मा जम्मा भएको अन्नबाट हरेक वर्ष २५ देखि ४० जना सम्मलाई सहयोग गर्ने गरिएको समाजका सचिव हरिप्रसाद तिवारीले बताउनुभयो । “विपत्मा परेका व्यक्तिलाई सहयोग गर्दै आएका छाँै,” उहाँले भन्नुभयो ।

यहाँ रहेको नगद कोषबाट विपन्न, दलित, सुत्केरी महिलालगायतलाई सहयोग गर्ने गरिएको तिवारीले बताउनुभयो । समाजको अगुवाइमा २०६५ सालमा दर्ता भएको संस्थाको कोषलाई बढाउँदै लैजाने योजना रहेको उहाँले बताउनुभयो । समाजले यहाँ राधाकृष्ण मन्दिर समेत निर्माण गरेको छ । अध्यक्ष भुषालकै करिब एक रोपनी जमिनमा रु दश लाख खर्चेर मन्दिर निर्माण गरिएको हो । (रासस)

.

संबन्धित
भिडियो हेर्न यहाँ क्लिक गर्नुहोला!