भारतको सर्बोच्च अदालतका वरिष्ठ न्यायाधीशको असन्तुष्टी सार्वजनिक



नयाँदिल्ली, २८ पुसः भारतको सर्वोच्च अदालतका चार जना वरिष्ठ न्यायाधीशहरूले अकल्पनीय रुपमा पत्रकार सम्मेलन नै गरेर प्रधानन्यायाधीश दिपक मिश्रको आलोचना गर्दै असन्तुष्टी जनाएका हुन् । उनीहरूले शुक्रबार गरेको पत्रकार सम्मेलनमा प्रधानन्यायाधीशका कारण विश्वकै सवैभन्दा पुरानो लोकतन्त्र नै धरापमा पर्न लागेको चेतावनी समेत दिएका छन् ।

उनीहरूले प्रधानन्यायाधीशलाई भित्री रुपमा पटक पटक असन्तुष्टी जनाउदै ध्यानाकर्षण गराउँदा पनि अटेरी गरेकाले सार्वजनिक रुपमा असन्तुष्टी जनाउनु परेको स्पष्ट पारेका छन् । भारतको सवै भन्दा माथिल्लो अदालत अहिले गलत तरिकाले चलिरहेको र गलत कामहरु भइरहेको उनीहरुको भनाई छ ।

तर के काम गलत भइरहेको हो भन्ने बारेमा भने उनीहरूले पत्रकार सम्मेलनमा विस्तृतमा बताउन चाहेनन् । उनीहरूले पत्रकारहरूका लागि सार्वजनिक गरेको एक पत्रमा इजलाश छनौट गर्दा नियमसँग र पारदर्शी नभएको बताएका छन् । प्रधानन्यायाधीशले स्वेच्छाचारिता अपनाएको टिप्पणी पनि उनीहरुले गरेका छन् ।

“न्यायिक प्रशासन कानुन अनुसार चलेको छैन, केही महिना देखि गलत तरिकाले कामहरू भइरहेका छन्,” सर्वोच्च अदालतका वरिष्ठ न्यायाधीश जस्तो चेलामेश्वरले पत्रकारहरुसँग भन्नुभयो । उहाँले थप्नुभयो, “स्वतन्त्र न्यायापालिका रहन सकेन भने लोकतन्त्र पनि जिवित रहन सक्दैन । अहिले अदालतमा भइरहेका कामले आशंका जन्माएको छ ।”

भारतको सर्वोच्च अदालतका वरिष्ठ न्यायाधीशहरूले पत्रकार सम्मेलन गरेको यो पहिलो घटना भएको बताइएको छ । पत्रकार सम्मेलनमा न्यायाधीश चेलमेश्वर सहित रंजन गोगोई, मदन लोकुर र कुरियन जोसेफ सहभागी हुनुभएको थियो ।

उनीहरूले प्रधानन्यायाधीशलाई सम्बोधन गरी लेखेको एक पत्र पनि सार्वजनिक गरेका छन् । प्रधानन्यायाधीशले राष्ट्रलाई दूरगामी असर पु¥याउन सक्ने मुद्दाहरू तोकेको तथा अदालतले कुनै पनि औचित्यविना इजलासहरू छानेको आरोप उनीहरूको दावी छ । साथै अदालतले पारित गरेका ‘केही न्यायिक आदेशहरू’ प्रति पनि उनीहरुले असन्तुष्टि व्यक्त गरेका छन् । एएफपी

Comment