डा. केसीविरुद्ध प्रधानन्यायाधीशले मुख खोलेः मेरा प्रमाणपत्र सडकमा देखाउँदै हिँड्न आवश्यक छैन

Posted By OSNepal, California, USA || Date: 13 January, 2018

काठमाडौं : करिब एक साताको मौनतापछि प्रधानन्यायाधीश गोपाल पराजुलीले आफ्नो नागरिकता र शैक्षिक प्रमाणपत्रबारे मुख खोलेका छन् । उनले आफ्नो योग्यताको प्रमाणपत्रका बारेमा उठेका प्रश्नको संसदीय समितिमा जवाफ दिइसकेको जवाफ डा. गोविन्द केसीलाई दिएका छन्।

रुकुम पूर्वको जिल्ला अदालत शुक्रबार उद्घाटन गर्दै उनले अहिले सडकमा कोही कराउँदैमा केही नहुने उनको भनाइ छ । आफू सक्षम भएर न्याय क्षेत्रमा प्रवेश गरेको र प्रधानन्यायाधीश बनेको भन्दै उनले उल्टै
केसीलाई चुनौती दिए ।

‘मैले पेश गर्ने ठाउँमा प्रमाण पेश गरिसकेको छु, अब सडकमा प्रमाण देखाउँदै हिँड्न आवश्यक छैनु, उनले भने। विभिन्न वहानामा न्यायालयप्रतिको विश्वास कम गराउन केही शक्ति लागेकाले त्यो सम्भव नहुने उनको धारणा छ। ‘हिजो पनि न्यायालय न्यायमूर्ति थियो”,उनले भने, ‘आज र भोलि पनि न्यायमूर्ति रहन्छ।’

न्यायकर्मी जनताको भावना, न्यायको मूल्यमान्यता, पद्धति र प्रणालीबाट चल्ने गरेको बताउँदै उनले जिल्ला अदालत पनि सोही प्रणालीबाट चलिरहेको र अबका दिनमा पनि त्यसरी नै सञ्चालन हुन निर्देशन दिए।

.

संबन्धित
भिडियो हेर्न यहाँ क्लिक गर्नुहोला!