गोरखाको थाहा नगरमा ५३ रक्तदाताद्धारा रक्तदान



एनपी न्युज डटनेट, गोरखा, ११ कार्तिक । पालुंग जेसीजको आयोजनामा मकवानपुरको उत्तरी क्षेत्र स्थित थाहा नगर ओखरबजारमा रक्तदान कार्यक्रम सम्पन्न भएको छ । जेसीजको सप्ताहव्यापी कार्यक्रम अन्तर्गतको पहिलो दिन जेसीज सप्ताह उद्घाटन तथा रक्तदान कार्यक्रम भएको थियो । नेपाल स्वयम्सेवी रक्तदाता समाजका केन्द्रिय अध्यक्ष प्रेमसागर कर्माचार्यको प्रमुख आतिथ्यतामा भएको कार्यक्रममा ५ महिला तथा ४८ पुरुषले रक्तदान गरेका थिए ।

कार्यक्रममा प्रमुख अतिथि कर्माचार्यले रक्तदातालाई व्लड व्याग हस्तान्तरण गरेर कार्यक्रमको उद्घाटन गरेको थियो । कार्यक्रममा हरिनन्दन चौधरी, कुमार नेगी, अक्कलबहादुर के.सी., मोहनमान श्रेष्ठ, शैलेन्द्र ढकाल, पुरुषोत्तम ढकाल, रामप्रसाद ढकाल, सहदेव ढकाल, सुरेन्द्रमान प्रधान, ओमकर बिष्ट, गोपीकृष्ण सेन्चुरी लगायतका अतिथिहरुको उपस्थिति रहेको थियो ।
दशै तिहारमा बढी दूर्घटना भई रगतको माग बढी भएको समाचार आएपछि सप्ताह व्यापी कार्यक्रम अन्तरगत पहिलो दिनमै रक्तदान कार्यक्रमको आयोजना गरिएको जेसीजका अध्यक्ष प्रदिप प्रधानले बताए ।

यता कार्यक्रमको अवसरमा वोल्दै कर्माचार्य अहिले राजधानीमा बढीमात्रामा रगतको आवश्यकता भएको कारण धेरै विरामीहरुको ज्यान जोखिममा परेको अवस्था छ । मलाई मिनेट मिनेटमा टेलिफोन आइरहेको छ । यहाँ आज संकलन भएको रगत भोलीको दिन सम्म पुर्याउन गाहे छ । यहाँको रगत अमृत भन्दा ठूलो हुने भएको बताए।

यसै गरी आज थाहा नगरका कार्यालय प्रमुख तथा जेसीज सदस्य बिच मैत्रीपूर्ण भलिवल प्रतियोगिता हुने महासचिव मनोज लामिछाने बताए । जेसीज सप्ताह कात्तिक १६ गते सम्म जारी रहने मूल कार्यक्रम संयोजक भूमिराज अवस्थीले बताए ।

Comment