आई लिग बिमल घर्तीमगरको टिम पराजित


काठमाडौं : नेपाली फुटबलर बिमल घर्तीमगरले भारतको एक फुटबल क्लबबाट खेल्न भएपछि नेपालमा खुशी छाएको थियो । भारतीय आई–लिग फुटबल प्रतियोगिता अन्तर्गत सोमबार भएको खेलमा नेपालका युवा स्ट्राइकर बिमल घर्तीमगर रहेको टिम मोहन बगान पराजित भएको छ ।

सोमबार भएको खेलमा मोहन बगान गोकुलमसँग २–१ ले पराजित भएको भारतीय सञ्चार माध्यमले उल्लेख गरेका छन्। गोकुलमको जितमा मोहम्मद अली आज्मी र हेनरी किसेक्काले गोल गरे । मोहन बगानका लागि एसर पिएरिक डिपान्दाले एक गोल गरे ।

पहिलो हाफमा गोलरहित बराबरी भएको खेलमा दोस्रो हाफमा दुवै तर्फबाट गोल भएको हो ।सोमबारको खेलमा बिमल घर्तीमगर ६५ औँ मिनेटमा मैदान छिरेका थिए । उनले गोल गर्ने मौका बनाए पनि गोल हुन सकेन । ७६ औँ मिनेटमा आज्मीले गोल गर्दै गोकुलमलाई सुरुवाति अग्रता दिलाए । तर त्यसको दुई मिनेटपछि असरले मोहन बगानका लागि बराबरी गोल फर्काए । ९० औँ मिनेटमा हेनरीले गोल गदैए भ्रमण टोली गोकुलमलाई जित दिलाए ।

Comment