विप्लव माओवादीले पार्टीका सबै कार्यकर्तालाई सेना बनाउने



ओएस नेपाल, काठमाडौं, माघ २७- नेत्रविक्रम चन्द नेतृत्वको नेकपा माओवादीले पार्टीका प्रत्येक सदस्यलाई सैन्य तालिम दिने निर्णय गरेको छ। उसले ‘जनसेना’ का रूपमा विकास गर्न सैन्य तालिम दिने निर्णय गरेको हो।

Biplavकेही दिनअघि राजधानीमा बसेको केन्द्रीय समिति बैठकले ‘सबै सेना पार्टी र सबै पार्टी सेना’ का रूपमा विकास गर्ने रणनीति लिएको छ।

एक पोलिटब्युरो सदस्यका अनुसार प्रत्येक सदस्यलाई जनसेनाको रूपमा प्रशिक्षण दिइनेछ। ‘अब छुट्टै, जनसेना भनेर संगठन बनाउँदैनौं,’ उनले भने, ‘प्रत्येक सदस्यलाई जनसेना बुझ्दा हुन्छ।’

मोहन वैद्य नेतृत्वबाट फुटेलगत्तै दाङमा भएको प्रथम राष्ट्रिय सम्मेलनबाट आवश्यक परे छुट्टै जनअदालत, जनसेना निर्माण गर्ने निर्णय गरे पनि हाललाई जनयुद्धकालीन कुनै पनि संरचना नब्युँताउने निर्णय गरेको थियो ।

उक्त सम्मेलनमा महासचिव चन्दद्वारा प्रस्तुत राजनीतिक प्रतिवेदनमा सशक्त प्रतिरोध गर्ने उल्लेख छ। करिब २१ पृष्ठ लामो प्रतिवेदनको मुख्य सार नै आवश्यक परे जतिसुकै बेला पनि सशक्त प्रतिरोध गर्नेछ।

Comment