भारतीय डाकाले कानको मुन्द्रा पनि छाडेनन्



ओएस नेपाल, झापा, फाल्गुन २ – झापाको दक्षिणी गाविस पथरिया–४ बगान बजारमा गएराति २ बजे भारतीय डाका समूहले आक्रमण गरेको छ । डाकाहरुले लुटपाटको क्रममा मुन्द्रा तान्ने क्रममा एक महिला कानको लोती नै छिनाइदिएका छन् ।

स्थानीय विष्णु खतिवडाको घरमा आक्रमण गरी डाकाको समूहले लुटपाट गरेको छ । करिब १२ जनाको समूहमा आएका नकाबधारी डाकाहरुले लुटपाट गर्ने क्रममा तीन नेपाली घाइते भएका छन् ।
विष्णुकी ६० वर्षीया पत्नी द्रौपदाले कानमा लगाएको गहना डाकाले तान्दा उनको कानको लोती छिनेको प्रहरीले जानकारी दिएको छ । विष्णुकी ३५ वर्षीया बुहारी तुलसालाई डाकाले हातमा रडले प्रहार गरेर घाइते बनाएको डिएसपी पोखरेलले बताए ।

लुटेरा समुहले डेढ तोला सुन र पाँच लाख नगद लुटेका लगेको जिल्ला प्रहरी कार्यालय झापाका प्रवक्ता डिएसपी विश्वमणि पोखरेलले जानकारी दिए ।

कालो कपडाले मुख छोपेका डाका समूह भारतबाट आएको हुनसक्ने डिएसपी पोखरेलले आशंका गरे । दक्षिण झापाका गाविसहरु पटक पटक भारतबाट आउने डाकाले आक्रमणमा गर्ने गरेका छन् ।

Comment