काठमाडौं ५ मंसिर आफ्नै श्रीमतीको हत्या गरी फरार रहेका एक जनालाई प्रहरीले पक्राउ गरेको छ । पक्राउ पर्नेमा बोदे बरसाइन नगरपालिका–५ जाँजरका २५ वर्षीय लुकमान मियाँ रहेका छन् ।
उनले दाइजोमा मोटरसाइकल र नगद पैसा नदिएको भन्दै २२ वर्षीया श्रीमती रोशन खातुनको विष खुवाएर हत्या गरेका थिए । श्रीमान सहित परिवारका सबैले मिलेर २०७६ फागुन २ गते खातुनलाई विष खुवाएर हत्या गरेका हुन् विष सेवन पछि गम्भिर अवस्थामा फेला परेकी खातुनको उपचारको क्रममा विराटनगरस्थित गोल्डेन अस्पतालमा मृत्यु भएको उनको परिवारले जनाएको छ ।
पिडितले उच्च अदालत जनकपुर, राजविराज इजलासमा मुद्दा दायर गरेका थिए । सोही आधारमा उच्च अदालतले २०७७ साल मंसिर २९ गते लुकमानलाई पक्राउ गर्न आदेश दिएको थियो ।
ससुराली पक्षले दाईजोको निहुँमा पटक पटक धम्की दिँदै आएको पिडित परिवारले बताएको छ ।