पर्सा ५ मंसिर । नियन्त्रित लागुऔषध सहित प्रहरीले एक युवकलाई पक्राउ गरेको छ । पक्राउ पर्नेमा धोविनी गाउँपालिका-२ आसवारी बस्ने २६ वर्षीय दिवाकर कुमार साह रहेका छन् ।
उनलाई भारतबाट नेपालतर्फ आउँदै गरेको ना.४५ प ११६४ नम्बरको मोटरसाइकल चेक जाँच गर्ने क्रममा उक्त लागु औषध सहित पक्राउ गरिएको हो ।
उनको साथबाट सिमा प्रहरी चौकी भिष्वा बन्जारीबाट खटिएको प्रहरीले नियन्त्रित लागूऔषध ४ सय ५० एम्पुल नुफिन, ४ सय ५० एम्पुल डाइजेपाम र ४ सय ५० एम्पुल प्रोमिफाइजाम हाईड्रोकोलोराइड बरामत गरेको छ ।
निजले झोलामा लुकाई ल्याउँदै गरेको अवस्थामा प्रहरीले एक्त लागु औषध सहित पक्राउ गरेको हो ।
