काठमाडौँ १९ जेठ । लुम्बिनी प्रदेशका मुख्यमन्त्री शंकर पौडेलमाथि विपक्षी दलहरुले राजीनामा गरि मार्ग प्रशस्त गर्न दवाव दिएका छन् । अल्पमतमा परेको सरकार भन्दै विपक्षी दलहरुले राजीनामा कित विश्वासको मत लिनु पर्ने भन्दै बैठकमा आवाज उठाएका हुन् ।
नेपाली कांग्रेसका प्रमुख सचेतक फकरुद्धिन खाँनले मुख्यमन्त्री अल्पमतमा रहेको भन्दै राजीनामा दिन माग गरेको बताएका छन् । अहिलेको सरकार अब संविधानको धारा १६८ उपधारा २ मा परिणत भएकाले मुख्यमन्त्रीले विश्वासको मत लिनुपर्छ, होइन भने राजीनामा दिनुपर्ने सचेतक खाँनले बताएका छन् ।
यता माओवादी केन्द्रका सांसद सुदर्शन बरालले पनि नियम, कानून र विधिको संवैधानिक मान्यताबाट सरकार चल्नुपर्ने बताएका छन् ।
