काठमाडौं ११ कात्तिक । सरकारले चालु संसद अधिवेशन अन्त्य गर्ने भएको छ । आज बिहिबार बसेको मन्त्रिपरिषद्को बैठकले कात्तिक १२ गते अर्थात भोली शुक्रबार राति १२ बजेबाट लागु हुने गरी अधिवेशन अन्त्य गर्न सिफारिस गरेको बताइएको छ ।
गत भदौ २३ गते देखि सुरु भएको संसद असधवेशनमा नेकपा एमालेका सांसदहरुले निरन्तर अवरोध र नारावाजी गरेपछि सरकार यो निणर्यमा पुगेको बताइएको छ । अवरोधका बाबजुद पनि सरकारले नयाँ बजेट भने ल्याएको छ ।
आज बसेको प्रतिनिधि सभाको बैठकले भने अब अर्को बैठक कात्तिक २९ गते बस्ने गरी स्थगित गरेको छ ।
