काठमाडौँ । भारतसँगको सम्बन्ध सुधार गर्न भन्दै नेपाली कांग्रेसका सहमहामन्त्री डा प्रकाशशरण महत नेतृत्वको टोली भारत प्रस्थान गरेको छ ।
भारतीय जनता पार्टीको निमन्त्रणामा डा महत नेतृत्वको टोली आज भारतको नयाँ दिल्लीतर्फ लागेको हो । टोलीमा कांग्रेसका नेताद्वय अजय चौरसिया र उदयशम्शेर राणाको सहभागिता रहेको छ ।
डा. महतले यो भ्रमणले नेपाली कांग्रेस र भारतीय जनता पार्टीका साथै नेपाल र भारत सरकारबीचको सम्बन्धलाई थप सुदृढ गर्न सहयोग गर्ने बताएका छन् ।
गत भदौमा मात्र सहमहामन्त्री डा. महतको आमन्त्रणामा भारतीय जनता पार्टीको विदेश विभागका प्रमुख विजय चौथाइवा नेपाल आएका थिए ।
उनले नेपालका शिर्ष नेताहरुसँग भेटवार्ता गरेका थिए ।
