काठमाडौं २९ पौष । सहरी विकासमन्त्री रामकुमारी झाँक्रीले धोबिखोला करिडोरको अनुगमन गरेकी छन् ।
आज बिहिबार बिहान मन्त्रालयका सचिव, काठमाडौं उपत्यका प्राधिकरण र अधिकार सम्पन्न वाग्मती सभ्यता एकीकृत समितिको टोली सहित मन्त्री झाँक्रीले धोबिखोला करिडोरको अनुगमन गरेकी हुन् ।
अनुगमनमा मन्त्री झाँक्रीले ढल, फोहोर, अव्यवस्थित निर्माण सामग्री र फुटपाथको अवस्था तथा बाटोको अवस्थाको अवलोकन गरेकी छन् ।
अवलोकन पश्चात मन्त्री झाँक्रीले सम्बन्धित निकायलाई तत्काल करिडोरमा देखिएका समस्या समाधान गर्न निर्देशन दिएकी छन् ।
आफु फेरि केहि दिनमा नै अनुगमनमा आउने बताएकी छन् । उनले वाग्मती सभ्यता एकीकृत समिति र काठमाडौं उपत्यका विकास प्राधिकरण लाई तत्काल बाटोको अवस्था, ढल, फोहोरको समस्या समाधान गर्न निर्देशन दिएकी छन् ।
