राक्से खोलामा नेपाली सेनाद्वारा ट्रस्ट पुल निर्माण, पैदलयात्री र दुई पाङ्ग्रे सवारी गुडाउन सहज — OSNepal

राक्से खोलामा नेपाली सेनाद्वारा ट्रस्ट पुल निर्माण, पैदलयात्री र दुई पाङ्ग्रे सवारी गुडाउन सहज

LC (KTM) November 01, 2021 0

लमजुङ, १५ कात्तिक- लमजुङको उदिपुरमा रहेको नेपाली सेनाको श्रीजङ गणले ट्रस्ट पुल निर्माण गरेको छ । डुम्रे–बेसीसहर सडक खण्डअन्तर्गत बेसीसहर नगरपालिका-२ राक्से खोलामा फलामको ट्रस्ट पुल निर्माण गरेको हो ।

स्थानीयहरूले अस्थायी व्यवस्थापनका निम्ति भए पनि पुल निर्माण गर्नका लागि सेनालाई अनुरोध गरेपछि ६० हजार बरावरको लगानीमा पुल निर्माण गरिएको श्रीजङ गणका गणपति जयराम थापाले बताए ।

सेनाले ब्यारेकभित्र रहेका फलामका सामाग्री र केही सामाग्री बाहिरबाट खरिद गरी १२ फिट लम्बाइ र तीन फिट चौडाइको फलामको ट्रस्ट पुल निर्माण गरेको गणपति थापाको भनाइ छ ।

पुल निर्माण भएसँगै उक्त खोलामा पैदलयात्री र दुई पाङ्ग्रे सवारी गुडाउन सहज भएको सेनाले जनाएको छ । यसअघि कजवे मात्र रहेको उक्त खोलामा पैदल यात्री र दुई पाङ्ग्रे सवारीका निम्ति निकै कठिन भएको थियो ।

Leave a Reply

Your email address will not be published. Required fields are marked *

भर्खर