लमजुङ, २७ कात्तिक – कामना सेवा विकास बैंक बेसिशहर शाखाले आदर्श महिला तथा बालविकास केन्द्रमा रहेका बालबालिकालाई न्यानो कपडा र स्टेसनरी सहयोग गरेको छ । बेसिशहर नगरपालिका-८ मा रहेको बैंकले १५औं वार्षिकोत्सवको अवसरमा न्यानो कपडा र स्टेसनरी सहयोग गरेको हो ।
बैंकले सामाजिक उत्तरदायित्व अन्तर्गत बालगृहका बालबालिकालाई ज्याकेट, सुइटर तथा स्टेशनरी सामाग्री वितरण गरेको कामना सेवा विकास बैंक बेसिशहर शाखाका प्रमुख कृष्णबहादुर चापागाईंले बताए । बालगृहमा हाल १० जना द्वन्द्वपीडित तथा असहाय बालबालिका रहेका छन् ।
