काठमाडौँ २८ कात्तिक । एक थान एयर गन सहित प्रहरीले एक जनालाई पक्राउ गरेको छ । पक्राउ पर्नेमा काठमाडौं महानगरपालिका-११ थापाथली डेरा गरी बस्ने कैलाली घर भएका २१ वर्षीय जितेन्द्र नाथ रहेका छन् ।
जितेन्द्रले आफ्नो कोठामा अवैध हात हतियार लुकाई राखेको गोप्य सुचनाको आधारमा पुगेको महानगरीय प्रहरी प्रभाग कोटेश्वरबाट खटिएको प्रहरीले निजको कोठा खनतलासी गर्दा उक्त हतियार फेला परेको हो ।
उनलाई शनिबार साँझ पक्राउ गरिएको हो । यस विषयमा थप अनुशन्धान भइरहेको प्रहरीले जनाएको छ ।