काठमाडौँ २८ कात्तिक । संरक्षित वन्यजन्तुको जस्तो देखिने छाला (आखेटोपहार) सहित प्रहरीले एक जनालाई पक्राउ गरेको छ । पक्राउ पर्नेमा काठमाडौं महानगरपालिका-१४ बस्ने ललितपुर महांकाल गाउँपालिका-५ चन्दपुर घर भएका २८ वर्षीय दिपेश तिमल्सिना रहेका छन् ।
संरक्षित वन्यजन्तु कस्तुरीको आखेटोपहार अवैध रुपमा ओसारपसार तथा बेचबिखन गर्न लागेको भन्ने विशेष सूचनाको आधारमा प्रहरी प्रधान कार्यालय केन्द्रीय अनुसन्धान व्यूरो महाराजगंजबाट खटिएको प्रहरीले महानगरपालिका-१४ बल्खुबाट एक थान आखेटोपहार र ४ थान छालाका टुक्रा सहित दिनेशलाई पक्राउ गरेको हो ।
निजलाई थप कारवाहीको लागी डिभिजन वन कार्यालय हात्तीसार काठमाडौंमा बुझाइएको ब्युरोले जनाएको छ ।