काठमाडौं २९ कात्तिक । रौतहटमा दुई बालकको विष सेवनबाट ज्यान गएको छ । जिल्लाको देवाही गोनाही नगरपालिका वडा नम्बर ५ टिकुलियाका संजय मुखियाका ५ वर्षीय छोरा आकाश र ४ वर्षीय छोरा विकास विष सेवनबाट ज्यान गएको हो ।
वैदेशिक रोजगारीको शिलशीलामा मृतक बालकका पिता भने साउदीमा रहेका र उनीहरु आफ्ना आमा र हजुर आमासँग बस्दै आएका थिए ।
मृतक बालकहरुले शनिबार घरमा एक्काशी वाँता गरेपछि उनीहरुलाई उपचारको लागि गरुडा स्थित एउटा निजि अस्पतालमा लगिएको र त्यहाँ उपचार सम्भव नभएपछि वीरगञ्जस्थित तराई अस्पतालमा लगिएको थियो ।
पछि उनीहरुको उपचारको क्रममा दुवै ज्यान गएको इलाका प्रहरी कार्यालय देशवासी गोनाहीले जनाएको छ । प्रहरीको प्रारम्धीक अनुशन्धान अनुसार पुरानो रिसीइवीका कारण कसैले विष सेवन गर्न दिएको खुल्न आएको छ ।
यस घटनाको सत्य तत्थ्य चाँडै नै पत्ता लगाउने प्रहरीले जनाएको छ ।
