OSNepal बिहिबार, मंसिर १६ २०७८

सर्वोच्चमा अदालतमा बन्दीसहित अन्य मुद्दामा पनि सुनुवाइ

सर्वोच्चमा अदालतमा बन्दीसहित अन्य मुद्दामा पनि सुनुवाइ

  • OSNepal
  • सोमबार, कार्तिक २९ २०७८


सर्वोच्चमा अदालतमा बन्दीसहित अन्य मुद्दामा पनि सुनुवाइ
Reading Time: < 1 minute

काठमाडौँ, २९ कात्तिक -सर्वोच्च अदालतमा आज बन्दी प्रत्यक्षीकरणसहित अन्य मुद्दामा पनि सुनुवाइ भएको छ । प्रधानन्यायाधीश चोलेन्द्रशम्शेर जबराले बन्दी प्रत्यक्षीकरणसहित सबै खालका मुद्दामा सुनुवाइका लागि पेसी तोक्नुभएको थियो ।

न्यायाधीशद्वय तेजबहादुर केसी र डा कुमार चुडालको संयुक्त इजलासमा बन्दी प्रत्यक्षीकाणको मुद्दामा सुनुवाइ गरी आदेश जारी गरिएको हो । न्यायाधीशद्वय प्रकाशकुमार ढुङ्गाना र कुमार रेग्मीको इजलासले पनि बन्दीको मुद्दामा सुनुवाइ गरी आदेश जारी गरेको छ । प्रधानन्यायाधीश राणाको एकल इजलासमा सबै खालका मुद्दाको सुनुवाइ भएको छ । अरु न्यायाधीशको इजलासमा भने हेर्न नभ्याइने र बेञ्च नबसेको जनाइको छ । प्रधानन्यायाधीश राणाले आजका लागि दश इजलासमा पेसी तोक्नुभएको थियो । तीमध्ये आठ संयुक्त र दुई एकल इजलास रहेको छ । आठमध्ये दुई संयुक्त र एउटा एकल इजलासमा सुनुवाइ भएको हो ।

सर्वोच्च अदालतमा यही कात्तिक ८ गतेदेखि मुद्दाको सुनुवाइ हुन सकेको छैन । बीचबीचमा बन्दीको मुद्दामा मात्र सुनुवाइ भएको छ । प्रधानन्यायाधीश राणाले आफूलाई संविधान र कानुनले प्रधानन्यायाधीशका रूपमा जिम्मेवारी दिएको र त्यो पूरा गर्न आफू सक्षम रहेको बताउँदैआउनुभएको छ । न्यायाधीशलाई पनि संविधान र कानुन बमोजिम आआफ्नो जिम्मेवारी पूरा गर्न उहाँले आग्रह गर्नुभएको छ । प्रधानन्यायाधीश राणाले आज प्रेस विज्ञप्ति जारी गरी न्यायालयमा देखिएको अहिलको समस्या समाधान गर्न बारलाई वार्तामा आउन आह्वान गर्नुभएको छ ।(रासस)

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड