OSNepal मंगलबार, मंसिर १४ २०७८

न्यायालय विवादमा मौन बसेका दलहरूले पनि खोल्न थाले मुख, यि नेताले पनि मागे प्रधानन्यायाधीशको राजीनामा

न्यायालय विवादमा मौन बसेका दलहरूले पनि खोल्न थाले मुख, यि नेताले पनि मागे प्रधानन्यायाधीशको राजीनामा

  • OSNepal
  • मंगलबार, कार्तिक ३० २०७८


न्यायालय विवादमा मौन बसेका दलहरूले पनि खोल्न थाले मुख, यि नेताले   पनि मागे  प्रधानन्यायाधीशको राजीनामा
Reading Time: < 1 minute

वीरगन्ज, ३० कात्तिक -न्यायालय विवादमा मौन बसेका दलहरूले मुख खोल्न थालेका छन् ।लोकतान्त्रिक समाजवादी पार्टीका नेता राजेन्द्र महतोले प्रधानन्यायाधीश चोलेन्द्रशमशेर जबराको राजीनामा मागेका छन् । वीरगन्जमा आयोजित पत्रकार सम्मेलनमा बोल्दै उनले न्यायिक विचलनको आरोप लागेका प्रधानन्यायाधीश जबराले तत्काल राजीनामा दिनुपर्ने बताए ।

न्यायालयमा भइरहेको आन्दोलनको जिम्मा प्रधानन्यायाधीश जबराले लिनुपर्ने भन्दै उनले न्यायालयको गरिमा बचाउन पनि तत्काल राजीनामा गर्न जबरालाई सुझाव दिए ।

जबराले सेटिङमा फैसला गरेको आरोप लगाएका उनले बार र न्यायाधीशसमेत विरुद्धमा लागेपछि जबराले पदमा बस्न नहुने बताए ।जबराको राजीनामा माग्दै नेपाल बार एसोसिएसन र सर्वोच्च अदालतकै न्यायाधीशहरू आन्दोलनमा रहेका बेला सत्तारुढ र विपक्षी दलहरू भने मौन बस्दै आएका छन् ।

उनीहरू न्यायालयले नै यसको निकास खोज्नुपर्ने भन्दै बसिरहेका बेला पूर्वन्यायाधीशहरूले पत्रकार सम्मेलन नै गरेर जबरालाई महाअभियोग लगाउन माग गरिसकेका छन् ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड