OSNepal बिहिबार, मंसिर १६ २०७८

एक वर्ष बित्दा पनि मजदुरले ज्याला पाएनन्

एक वर्ष बित्दा पनि मजदुरले ज्याला पाएनन्

  • OSNepal
  • बुधबार, मंसिर १ २०७८


एक वर्ष बित्दा पनि मजदुरले ज्याला पाएनन्
Reading Time: < 1 minute

डोटीको पूर्वीचौकी गाउँपालिका–२ बगलेक स्वास्थ्यचौकी भवन निर्माणमा संलग्न मजदुरले एक वर्षदेखि काम गरेको ज्याला पाएका छैनन् । भवन निर्माणको ठेक्का पाएको बाराही निर्माण सेवाले मजदुरलाई ज्याला नदिएपछि उनीहरु मारमा परेका हुन् ।

विसं २०७७ मा रु एक करोड ७० लाखमा भवन निर्माणको ठेक्का पाएको पिएस पिएस कन्सट्रक्शन प्रालि, सिलगढीले पेटी ठेक्का बाराही निर्माण सेवालाई प्रदान गरेको हो । निर्माण सेवाले भवन निर्माण सम्पन्न गरे पनि मजदुरलाई भने काम गरेवापतको रकम अहिलेसम्म दिएको छैन । भवनको काम सम्पन्न भई कार्यालय सञ्चालनमा आइसक्दा पनि ज्याला नपाएको स्थानीय जगत बिकले बताउनुभयो । उहाँले भन्नुभयो, “भवन हस्तान्तरण भइसकेको छ, मजदुरको ज्याला बाँकी नै छ ।”

मजदुरले दैनिक रु ४०० का दरले भवन निर्माणमा काम गरेका थिए । पूर्वीचौकी गाउँपालिका–२ का हीरादेवी ओली मजदुरले निर्माण कम्पनीविरुद्ध आन्दोलनको तयारी गरेको बताउनुहुन्छ । पिएस कन्सट्रक्शनका प्रोप्राइटर प्रेमशङ्कर भट्टले बाराही निर्माण सेवाले ज्याला दिनुपर्ने बताउनुभयो । उहाँले भन्नुभयो, “सम्पूर्ण खर्च निर्माण सेवाले नै तिर्नुपर्छ ।” प्रमुख जिल्ला अधिकारी शङ्करबहादुर विष्टले ज्याला नपाएको कसैले पनि प्रशासनमा उजुरी नदिएको बताउनुभयो । घर नजिकै रोजगारी पाएपछि खुशी भएका स्थानीयवासी ज्याला नपाएपछि पीडित बनेका छन् ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड