काठमाडौं ३ मंसिर । काठमाडौंस्थित माइतिघरमा मोटरसाइकल दुर्घटना हुँदा एक जनाको मृत्यु भएको छ ।
आज शुक्रबार बिहान भएको सिंहदरबारबाट बबरमहलतर्फ जाँदै गरेको बाग्मती प्रदेश ०२, ०२४ प ६७७१ नम्बरको मोटरसाइकल अनियन्त्रित भइ दुर्घटना हुँदा मोटसाइकलमा पछाडी सवार एक जनाको मृत्यु भएको हो ।
दुर्घटना पछि गम्भिर घाइते भएका उनलाई उपचारको लागि अन्नपूर्ण न्युरो अस्पताल माइतीघरमा लगिएको थियो । तथापी, उनको उपचारको क्रममा अस्पतालमा मृत्यु भएको प्रहरीले जनाएको छ ।
महानगरीय प्रहरी वृत्त सिंहदरबारले दिएको जानकारी अनुसार मोटरसाइकल चाकललाई भने नियन्त्रणमा लिइएको छ ।
मृतक काभ्रेपलाञ्चोक घर भएका २१ वर्षीय रोमन मल्लिकार रहेका छन् ।