काठमाडौं ७ मंसिर । रुकुमका लागि उडेको नेपाल एयरलाइन्सको ट्वीनअटर बिमान नेपालगञ्जमा अवतरण गरेको छ ।
विमानका पाइलट पेम्बा शेर्पाले आफ्नो डियुटी सकिएको भन्दै नेपालगञ्जमा अवतरण गराएपछि विमानका यात्रुहरु अलपत्र परेका छन् ।
८ जना यात्रु सवार रहेको उक्त विमान त्रिभुवन अन्तराष्ट्रिय विमानस्थल काठमाडौंबाट नेपाल एयरलाइन्सको ट्वीनअटर विमान रुकुमको चौरजहारी विमानस्थलका लागि उडेको थियो ।
नेपाल वायुसेवा निगमका कार्यकारी अध्यक्ष युवराज अधिकारीले भने यात्रुहरुले दुख पाएको भन्दै यात्रुलाई क्षतिपूर्ती दिने समेत जनाएका छन् ।
