नेपाली कांग्रेसको १४ औँ महाधिवेशनलाई लिएर प्यूठान तनावग्रस्त भएको छ । मतगणनाको क्रममा आज बेलुकी सभापति शेर बहादुर देउवा पक्ष र रामचन्द्र पौडेल पक्षबीच भएको झडप नियन्त्रणमा लिन प्रहरीले चलाएको छ । प्रहरीको गोली लागेर ७ जना घाइते भएका छन्। जसमा स्यंम प्रहरी समेत घाईते भएको बताइएको छ ।
गोली लागेर गम्भीर घाइते भएकाहरुलाई थप उपचारको लागि बुटवल लगिएको छ। गोली चलेको बिषयमा प्रमुख जिल्ला अधिकारी खिमराज भुसालले भने असहमति जनाएका छन् । उनले प्रहरीले गोली नचलाएको बताए पनि त्यहाँका स्थानीयले गोली चलेको बताए ।
प्रत्यक्षदर्शीका अनुसार प्रहरीले ४ राउन्ड गोली चलाएको थियो । मतगणनाको क्रममा पौडेल पक्षका उम्मेदवार बिष्णु गिरीले अग्रता लिएका थिए । त्यसपछि देउवा पक्षले ढुंगामुढा गरेको थियो । त्यसपछि उत्पन्न बिबादले उग्र रुप लिएको हो ।
