OSNepal बिहिबार, मंसिर १६ २०७८

रुपन्देहीमा ३ मा देउवा पक्षीय प्यानल विजयी, सभापतिका उम्मेदवार यादवले चार भोट मात्र पाए

रुपन्देहीमा ३ मा देउवा पक्षीय प्यानल विजयी, सभापतिका उम्मेदवार यादवले चार भोट मात्र पाए

  • OSNepal
  • बिहिबार, मंसिर ९ २०७८


रुपन्देहीमा ३ मा देउवा पक्षीय प्यानल विजयी, सभापतिका उम्मेदवार यादवले चार भोट मात्र पाए
Reading Time: < 1 minute

भैरहवा, ९ मंसिर-नेपाली कांग्रेस रूपन्देही ३ को क्षेत्रीय सभापतिमा सुशील गुरुङ निर्वाचित भएका छन् । कांग्रेस सभापतिसमेत रहेका प्रधानमन्त्री शेरबहादुर देउवा प्यानलका गुरुङ ३ सय ७७ मत ल्याएर सभापति बनेका हुन् ।

उनका प्रतिस्पर्धी वरिष्ठ नेता रामचन्द्र पौडेल पक्षका मातृका यादवले २ सय ४२ मत मात्र पाए । सभापतिका अर्का उम्मेदवार महेन्द्रप्रसाद यादवले ४ मत मात्र पाए ।सभापतिमा गुरुङसँगै उनको प्यानल नै विजयी भएको छ ।सचिवमा चार जनाको उम्मेदवारी थियो । जसमा गुरुङ प्यानलकै भवानीप्रसाद शर्मा ३ सय ६७ मत र लेखनाथ भट्टराई ३ सय ६२ मत ल्याएर विजयी भएका छन् ।

यादव प्यानलका शैलेसकुमार पन्तले २ सय १८ र टंक प्रसाद पाण्डेले २ सय २७ मत प्राप्त गरेर पराजित भएको प्रमुख निर्वाचन अधिकृत भेषराज घिमिरेले जानकारी दिए ।सहसचिवमा कुलप्रसाद न्यौपाने ३ सय ७२ र प्रेमसागर थारू ३ सय ८२ मत ल्याएर विजयी भएका छन् । ‘क’ र ‘ख’ तथा केन्द्रीय महाधिवेशन प्रतिनिधिमा पनि गुरुङ प्यानल विजयी भएको छ ।

प्रतिक्रिया
सम्बन्धित समाचार

  • फेसबुक
  • ट्वीटर
  • युट्युब
  • A यूनिकोड