काठमाडौं २३ मंसिर । नेपाली कांग्रेसका १४ औं महाधिवेशन मुखैमा आउँदा पनि नेतृत्व चयनमा भने सहमति हुन सकेको छैन ।
सस्थापनइतर समुहका नेता प्रकाशमान सिंहलाई सहमति गराउन आज बिहिबार नेताहरु अर्जुननरसिंह केसी, बलबहादुर केसी र महेश आचार्य सिंहको निवास चाक्सीबारीमा पुगेका थिए । तर सो भेटमा पनि सिंहले आफुनै सभापतिमा उठ्ने अडान राखेका छन् ।
साझा उम्मेदवार छान्ने अधिकार केन्द्रीय सदस्यहरुलाई दिने प्रस्ताव लिएर गएका नेताहरुलाई नेता सिंहले आफु त्यसमा सहमति भएपनि सभापतिको उम्मेदवारबाट पछि नहट्ने संकेत देखाएका छन् ।
आफ्नो नाममा किन सहमति नभएको भन्दै उनले भेटमा भने, ‘रामचन्द्रजीलाई मैले १३ औं महाधिवेशनमै छाडिसकेँ । शेखर कोइरालालाई सभापति छाडेर कसरी न्याय हुन्छ ?’
