काठमाडौं जेठ १७ । लुम्बिनी प्रदेशका जनता समाजवादी पार्टीले कारवाही गरी सांसद पद गुमाएका चार जना सांसदले आज हुन गएको लुम्बिनी प्रदेश सदस्य उपनिर्वाचनका लागि मतदान गर्न पाउने भएका छन् ।
निर्वाचन आयोगले हिजो आइतबार पुनर्बहाली गरेपछि यी चार सांसदले आज मतदान गर्न पाउने भएका हुन् । मतदान गर्न पाउनेमा जसपाका सांसद सन्तोषकुमार पाण्डे, विजयबहादुर यादव, कल्पना पाण्डे र सुमन शर्मा रहेका छन् । उनीहरुको नाम प्रदेश निर्वाचन कार्यालय लुम्बिनी प्रदेशले सूचना प्रकाशित पुनः मतदाता नामावलीमा समावेश गरिदिएको छ ।
माओवादी केन्द्रबाट विजयी भएका चन्द्रबहादुर खड्का एमाले प्रवेश गरेसँगै लुम्बिनी प्रदेशमा एक राष्ट्रिय सभा पद रिक्त रहेको थियो । जसको लागि आज नेकपा एमालेबाट चन्द्रबहादुर खड्का र विपक्षी गठबन्धनका तर्फबाट दृगनारायण पाण्डेको प्रतिस्पर्था हुने भएको छ ।
