बलिउडमा यस्ता धेरै जोडी छन् जसको उमेरमा जमिन–आकाशको अन्तर रहेको छ । जसमध्ये अर्जुन कपुर र मलाइका अरोरा पनि एक हुन् । लामो समयसम्म दुवैले सबै जनाबाट लुक्दै गोप्य रूपमा डेटिङ गरिरहेका थिए । केही समयअघि मलाइका र अर्जुनले खुलेर आफ्नो प्रेम व्यक्त गरेका थिए । अहिले उनीहरुको सम्बन्ध कसैसँग पनि लुकेको छैन ।
प्रेममा उमेरको भिन्नतालाई लिएर प्रायः दुवै जना ट्रोल भइरहेका हुन्छन् । हामीले जति प्रगति गरे पनि केही कुरा आज पनि परिवर्तन भएका छैनन् । यो समाजमा केटी भन्दा केटा जति नै ठुलो किन नहोस दुनियाँलाई कुनै समस्या हुदैन । तर केटाभन्दा केटी जेठो भए समाजमा कुरा काट्न सुरु हुन्छ । मलाइका अर्जुनभन्दा १२ वर्ष जेठी छिन् ।
तर यो दुबैलाई फरक पर्दैन, तर यो दुनियाका लागि ठूलो समस्या हो। अर्जुन र मलाइका कयौं पटक उमेरका कारण ट्रोलको शिकार हुदै आएका छन् । तर यसपटक अर्जुन कपुरले सबै ट्रोलर्सलाई जवाफ फर्काएका छन् । अर्जुन कपुर भन्छन्– मिडियाले मान्छेको कमेन्ट हेर्छ, त्यसको वास्ता गर्दैन ।
अर्जुन भन्छन्, भेट्दा सेल्फी खिच्ने क्रममा मर्ने यी नै हुन् । ट्रोल गर्नेलाई फेक भन्दै अर्जुन भन्छन्–व्यक्तिगत जीवनमा जे गर्छु त्यो मेरो निजी सम्पत्ति हो । यो मेरो अधिकार पनि हो । अर्जुनले आफ्नो जीवन जिउने र अरुलाई पनि शान्तिमा बाँच्न दिने बताउँछन् ।