काठमाडौँ । कोरोना संक्रमणपछि गम्भीर बनेका विवेकशील साझाका नेता उज्वल थापालाई अहिले भेन्टीलेटरबाट बाहिर निकालिएको छ । सो पार्टीका नेता हरिष भट्टका अनुसार राजधानीको मेडिसिटी अस्पतालको भेन्टिलेटरमा उपचार गराइरहेका छन् ।
अस्पतालले ‘स्टेटमेन्ट’ जारी गरेपछि मात्रै उनको अवस्थाबारे थाहा लाग्ने बताइएको छ । भेन्टिलेटरबाट निकालिएसँगै परिवारसँगको सल्लाहमा थप के गर्ने भन्ने जानकारी केहीबेरमा आउने नेता हरिष भट्टले बताए ।
कोरोना संक्रमणपछि उनको सुरुमा ह्याम्स र ग्राण्डीपछि उनलाई मेडीसिटीमा भेन्टिलेटरमा राखेर उपचार सुरु गरिएको हो । उनको गम्भिर अवस्थामा उपचार भइरहेको बताइए पनि भेन्टिलेटरबाट किन निकालियो भन्ने बारेमा केही खुलाइएको छैन ।