के–पप सुपरस्टार समूह बीटीएसका तीन सदस्य विदेशबाट फर्किएपछि कोरोना भाइरसबाट संक्रमित भएका छन् ।बिग हिट म्युजिक एजेन्सीले बताएको छ – र्यापर आरएम र भोकलिस्ट जिन शनिबार साँझ नै कोभिड १९ संक्रमित भेटिएका थिए। यसअघि शुक्रबार सुगाको कोभिड परीक्षण गराइएको थियो जसमा उनमा पनि कोरोना पोजेटिभ देखिएको थियो ।
यी दक्षिण कोरियाली समूहहरूले लस एन्जलसमा कोरोना महामारी सुरु भएदेखि नोभेम्बरको अन्त्यदेखि डिसेम्बरको सुरुमा आफ्नो पहिलो अफलाइन कन्सर्ट गरेका थिए। त्यसयता उनीहरु बिदा मनाउँदै आएका छन् । आरएम र सुगामा कोरोनाको कुनै लक्षण देखिएको थिएन । जिनलाई हल्का ज्वरो आएको थियो। बिट हिट म्युजिकले समूहका तीनवटै सदस्यलाई पूर्ण खोप लगाइएको र दक्षिण कोरिया फर्किएपछि समूहका अन्य सदस्यहरूसँग कुनै सम्पर्क नभएको बताएको छ ।
सुगाले आफूलाई कोभिड(१९ बाट संक्रमित भेटिएपछि सेल्फ क्वारेन्टाइनमा राखेका थिए । जिनको कोविडको लागि परीक्षण गर्दा नेगेटिभ आएको र पछि फेरी पोजेटिभ देखिएको थियो । संयुक्त राज्य अमेरिका र दक्षिण कोरिया दुबै कोभिडका बढ्दो केसहरूसँग जुधिरहेका छन्, किनकि हाइपरइन्फेक्सियस ओमिक्रोन संस्करण विश्वव्यापी रूपमा फैलिएको थियो। बिटीएस सात दक्षिण कोरियाली केटाहरुको ब्यान्ड हो।
